सेंट फ्रान्सिस झेवियर यांच्याविषयी आक्षेपार्ह वक्तव्य करणाऱ्या प्रा. सुभाष वेलिंगकर यांच्या विरोधात राज्यभर रान पेटले आहे. विरोधकांनीही रस्त्यावर उतरुन वेलिंगकरांच्या बेताल वक्तव्याचा निषेध केला. वेलिंगकरांनी अत्यंत आक्षेपार्ह वक्तव्य केल्याचे गोवा फॉरवर्ड पक्षाचे प्रमुख आणि विद्यमान आमदार विजय सरदेसाई यांनी म्हटले. एवढ्यावरच न थांबता त्यांनी सरकारचाही समाचार घेतला. राज्यात सरकार आहे की नाही? असा संतप्त सवाल सरदेसाईंनी यावेळी केला. गेल्या काही दिवसांपासून राज्यातील वातावरण बिघडत चालले आहे. धार्मिक तेढ निर्माण करणारी वक्तव्ये मुद्दाम केली जात आहेत, असे म्हणत सरदेसाईंनी हल्लाबोल केला.