पणजी महानगरपालिकेच्या (CCP) निवडणुकीत भाजप-बाबूश पुरस्कृत पॅनेलने मिळवलेला 27-3 असा दणदणीत विजय म्हणजे 2027 च्या विधानसभा निवडणुकीचा केवळ 'ट्रेलर' आहे, असा विश्वास मुख्यमंत्री डॉ. प्रमोद सावंत यांनी व्यक्त केला. या विजयानंतर पत्रकारांशी बोलताना मुख्यमंत्र्यांनी आगामी विधानसभा निवडणुकीतही भाजपचाच विजय निश्चित असल्याचे ठामपणे सांगितले.

या निकालाने हे सिद्ध केले की, जनतेचा विश्वास आजही भाजपवरच आहे. विरोधकांनी उपस्थित केलेले मुद्दे जनतेने नाकारले असून विकासाच्या राजकारणाला साथ दिली आहे. 2027 मध्ये होणाऱ्या विधानसभा निवडणुकीतही अशाच प्रकारे भाजप पूर्ण बहुमताने विजय मिळवेल, असा विश्वास मुख्यमंत्र्यांनी यावेळी व्यक्त केला. पणजीचा हा विजय भाजप कार्यकर्त्यांमध्ये उत्साह भरणारा असून आगामी काळात राज्यभरात भाजप आपली पकड अधिक मजबूत करेल, असेही त्यांनी स्पष्ट केले.