सध्या देशाच्या अनेक भागात निसर्गाचा प्रकोप दिसून येत आहे. डोंगरांवर सतत पडणाऱ्या पावसामुळे हाहाकार माजू लागला आहे. दरम्यान, उत्तराखंडमधील उत्तरकाशीमधून ढगफुटीची बातमी समोर आलीय. मंगळवारी (५ ऑगस्ट) गंगोत्री धाम आणि मुखवा जवळील धाराली गावात ढगफुटीमुळे मोठे नुकसान झाल्याचे सांगण्यात येत आहे.

धराली गावात ढगफुटी झाल्यामुळे अचानक आलेल्या पुरामुळे अनेक घरे वाहून गेली. या घटनेचा एक व्हिडिओ सोशल मीडियावर वेगाने व्हायरल होत आहे. या घटनेत ४ जणांचा मृत्यू झाल्याची माहिती समोर आलीय. तर अनेक जण बेपत्ता असल्याची माहिती आहे.