Electricity department notice on cable removal

पणजी: वीज खांबांवर अनधिकृतरीत्या टाकलेल्या केबल, ओएफसी आणि इतर संरचना वीज विभागाच्या परवानगीशिवाय तसेच कोणतेही सर्वेक्षण न करता आणि स्थिरता प्रमाणपत्र न घेता टाकण्यात आल्या आहेत. त्यामुळे सार्वजनिक सुरक्षेला धोका निर्माण झाल्याने हे केबल १० दिवसांत हटविण्याची सार्वजनिक नोटीस वीज विभागाने जारी केली आहे. याची अंमबजावणी केली नाही, तर विभाग स्वतः केबल हटवून त्याची रक्कम संबंधितांकडून वसूल करणार असल्याची माहिती वीज विभागाचे कार्यकारी अभियंता काशिनाथ शेट्ये यांनी दिली आहे.

नोडल अधिकारी काशिनाथ शेट्ये यांनी स्पष्ट केले की, वीज विभागाने वीज खांबांवर कोणत्याही कामासाठी परवानगी दिलेली नाही. तसेच ज्यांनी केबल लटकवल्या आहेत, त्यांनी आवश्यक प्रमाणपत्रही मिळवलेले नाही. त्यामुळे सर्व अनधिकृत केबल व संरचना हटवण्याच्या सूचना देण्यात आल्या आहेत.