राज्यात गेल्या काही दिवसांपासून मुसळधार पाऊस पडत आहे. मडगावसह राज्यातील अनेक ठिकाणी मुसळधार पावसामुळे रस्त्यावर मोठी झाडे पडली. यातच, दाबोस येथे रस्त्यावर झाड पडल्याने वाहतूक विस्कळीत झाली. मात्र अग्निशामन दलाच्या जवानांनी तात्काळ पोहोचून रस्त्यावर पडलेले झाड हटवले. गेल्या तीन-चार दिवसांपासून दाबोसमध्ये मुसळधार पाऊस पडत असल्याचे सांगण्यात आले. अग्नीशामन दलाच्या अधिकाऱ्याने सांगितले की, विस्कळीत झालेली वाहतूक पूर्वरत करण्यात आली आहे.