थिवी ग्रामपंचायत आयोजित केलेल्या ग्रामसभेत गावातील अनेक महत्त्वाच्या मुद्द्यांवरुन जोरदार वादविवाद झाला. विशेषतः रस्ता रुंदीकरण, कचरा व्यवस्थापन आणि खेळाच्या मैदानाच्या मुद्द्यांवरुन ग्रामस्थांनी आपला तीव्र असंतोष व्यक्त केला, ज्यामुळे सभेचे वातावरण चांगलेच तापले. रविवारच्या (24 ऑगस्ट) या ग्रामसभेत सरपंच आणि पंचायत सदस्यांसमोर गावच्या विकासाचे प्रश्न मांडले गेले, परंतु त्यांच्या उत्तरांनी ग्रामस्थांचे समाधान झाले नाही.