केवळ साखळीवासींच्या प्रेम व पाठिंब्यामुळेच आज आमदार, सभापती व मुख्यमंत्री झाल्यानंतर राज्य व देशपातळीवर काम करण्याची संधी आपणास मिळत आहे. त्याबद्दल साखळीवासीयांचा आपण ऋणी आहे. एक परिवार म्हणून आम्ही सर्वजण कार्य करीत असताना आपापसातील हेवेदावे बाजूला ठेऊन पुढील तयारीला लागावे. या जिल्हा पंचायत निवडणुकीतून साखळीत येणाऱ्या विधानसभा निवडणुकीची तयारी सुरू झाली असून असेच भरीव काम त्याही निवडणुकीत करून आता मिळालेली भरघोस आघाडी राखण्यासाठी काम करायचे आहे असे प्रतिपादन मुख्यमंत्री डॉ. प्रमोद सावंत यांनी न्हावेली साखळी येथे जिल्हा पंचायत निवडणुकीतील यशानंतर आयोजित विजयोत्सव सोहळ्यात केले.