जुने गोवे येथील सेंट फ्रान्‍सिस झेवियर यांच्या अवशेषाची डीएनए चाचणी करण्याची मागणी करण्यात आली नव्हती तर ती सूचना होती. यापूर्वी याप्रकरणी अवशेष त्यांचेच आहेत का, याबाबतचा मुद्दा शेजारील राज्यांनीही उपस्थित केला होता. हे मत व्यक्त करण्यामागे धार्मिक सलोखा बिघडवण्याचा कोणताच हेतू नव्हता. त्‍यावर कायमचा तोडगा निघावा हा त्यामागील हेतू होता, असा युक्तिवाद वेलिंगकर यांच्या वकिलांनी आज अटकपूर्व जामिनावरील सुनावणीवेळी केला.