सेंट फ्रान्सिस झेवियर यांच्याबाबत सुभाष वेलिंगकरांनी केलेल्या वक्तव्यानंतर राज्यात राळ उडाली आहे. ख्रिस्ती समुदाय रस्त्यावर उतरला आहे. वेलिंगकरांच्या तात्काळ अटकेची मागणी त्यांच्याकडून केली जात आहे. यातच, पणजी अतिरिक्त सत्र न्यायालयानेही वेलिंगकरांना मोठा झटका दिला. न्यायालयाने वेलिंगकरांचा जामीन अर्ज फेटाळून लावला. या सगळ्या पाश्वभूमीवर सेंट फ्रान्सिस झेवियर यांचा फेस्त जवळ येत आहे. सर्व धर्मियांनी एकत्र येऊन हा उत्सव शांततेत साजरा करावा. गोमंतकीयांनी अवघ्या जगाला शांततेचा संदेश द्यावा, असे आवाहन आमदार क्रुझ सिल्वा यांनी केले आहे.