पणजी: गोव्याच्या सागरी वाहतूक व्यवस्थेत क्रांती घडवणारी रो-रो फेरी सेवा लवकरच सुरू होणार आहे. या सुविधेमुळं प्रवासी आणि वाहतूकदारांना मोठा दिलासा मिळणार आहे. समाजकल्याण मंत्री सुभाष फळदेसाई यांनी याबाबत माहिती दिलीय. येत्या दोन महिन्यात रो-रो फेरी सेवा सुरू होणार असल्याचं त्यांनी सांगितलं. रो-रो फेरी ही विशेष प्रकारची जलवाहतूक सेवा आहे, ज्या अंतर्गत चारचाकी आणि जड वाहने थेट फेरीमध्ये चढवली जातात आणि ती समुद्र किंवा नदीमार्गे एका ठिकाणाहून दुसऱ्या ठिकाणी नेली जातात. यामुळे वाहतूक जलद, स्वस्त आणि सोयीस्कर होते.