Penalty for Failing to Register Dogs

पणजी: पाळीव कुत्र्यांची नोंदणी पशुसंवर्धन खात्यात करणे कायद्याने बंधनकारक आहे. परंतु पाळीव कुत्र्यांची नोंदणी न झाल्याचे आढळल्यास संबंधित मालकांवर तुरूंगवासही भोगावा लागू शकतो, असा निर्वाणीचा इशारा पशुसंवर्धन खात्याचे मंत्री नीळकंठ हळर्णकर यांनी दिला आहे.

कुत्र्यांच्या निर्बीजीकरण कार्यक्रमाच्या प्रभावी अंमलबजावणीसाठी मंत्रालयात झालेल्या बैठकीनंतर हळर्णकर यांनी बैठक घेतली, त्यावेळी ते बोलत होते. ते म्हणाले, काही श्वानप्रेमी विविध देश-विदेशी जातीचे कुत्रे घरी पाळण्यासाठी आणतात. मात्र, त्यांची नोंदणी करीत नाहीत. देशी पाळीव कुत्र्यांची पिल्ले जन्माला आल्यानंतर एखादे ठेवून इतर पिल्ले रस्त्यावर किंवा इतर कुठेही नेऊन सोडण्याचे प्रकार घडतात. त्यानंतर ही कुत्री लोकांसाठी उपद्रवकारक ठरतात. त्यामुळेच सरकारने याविरोधात कायदा करून त्याची अंमलबजावणी सुरू केल्याचे हळर्णकर यांनी नमूद केले.