गोव्यात दारु देशातील इतर राज्यांच्या तुलनेत स्वस्त आहे. मात्र आता राज्यात दारुबंदी करण्याची मागणी करण्यात आली आहे. होय, खुद्द सावंत सरकारमधील आमदार प्रेमेंद्र शेट यांनी ही दारुबंदीची मागणी केली. गेल्या काही वर्षात दारुच्या आहारी गेलेल्या तरुणांची संख्या वाढली आहे. काहीजणांचा तर अति दारु प्यायल्याने मृत्यू झाल्याचेही समोर आल्याचे शेट म्हणाले होते. दरम्यान, आता पुन्हा एकदा माध्यमाशी बोलताना आपण आपल्या मागणीवर ठाम असल्याचं वक्तव्य त्यांनी केलं. मी सरकारकडे राज्यात दारुबंदी करण्याची मागणी अजून एकदा करतो असे ते म्हणाले.

यापूर्वी, शेट म्हणाले होते की, ''पर्यटक फक्त दारुसाठीच गोव्यात येतात असे नाही. सरकारने दारुबंदीच्या मागणीवर ठोस पाऊल उचलावे. गोव्याचं निसर्ग सौंदर्य देखील पर्यटकांना खुणावतं.''