Punav Utsav Pernem

पेडणे: पावसाच्या सावटाखाली आज येथील प्रसिद्ध ‘पुनव’ उत्सवाला प्रारंभ झाला. पण काल रात्रीपासून आज सकाळी नऊवाजेपर्यंत जोरदार पाऊस पडत राहिल्याने त्याचा परिणाम या ‘पुनव’ उत्सवावर झाला. एरवी दरवर्षी सकाळपासून श्री भगवती मंदिरात व श्री रवळनाथ मंदिरात देवांचे दर्शन घेण्यासाठी भाविकांच्या लांबच लांब रांगा लागायच्या, पण यंदा कोसळणाऱ्या जोरदार पावसामुळे भाविकांची संख्या कमी होती.

श्रीदेवी भगवती मंदिरात देवीचे दर्शन घेण्यासाठी भक्तगण येत होते तसेच नवस केलेल्या भाविकांनी भाविका देवीची ओटी भरली व भाविकांना सुख समृद्धी देण्यासाठी भटजींनी गाऱ्हाणे घातले. आदिस्थान येथे सकाळपासून भजन व कीर्तन तसेच तुळाभार हा कार्यक्रम झाला. तुळाभार म्हणजे नवस केलेले कुटुंब ज्या व्यक्तीसाठी नवस केला होता, त्याला तराजूमध्ये एका बाजूने बसवतात व त्याचे वजन होईल तेवढे धान्य देवाला देतात.

मध्यरात्री जपली पारंपरिक प्रथा!

मध्यरात्री भूतपिशाच्च काढण्याचा पारंपरिक प्रथा जपण्याचा कार्यक्रम झाला. पहाटे वर्षपरंपरेनुसार श्री भूतनाथ व श्री रवळनाथ यांची तरंगे श्री भूतनाथाचे तरंग एका वातीत व एका रात्रीत आपले मंदिर बांधण्याची मागणी करणार असून श्री भूतनाथाला भक्तगण मंदिर बांधण्याचे आश्वासन दिल्यावर दोन्ही तरंगे श्री रवळनाथ मंदिरात येणार आहेत.