पेडणे तालुक्यातील कासारवरणे परिसरातील रस्त्यांवर मोठ्या प्रमाणावर मोकाट गुरेढोरे फिरताना दिसत आहेत. या गुरांमुळे रस्त्यावरून जाणाऱ्या वाहनचालकांना आणि पादचाऱ्यांना गंभीर धोका निर्माण झाला आहे. विशेषतः सकाळच्या आणि संध्याकाळच्या गर्दीच्या वेळी या मोकाट गुरांचा त्रास अधिक जाणवतो.

स्थानिक नागरिक आणि प्रवाशांनी सांगितले की, काही दिवसांपासून रस्त्यांवर गुरांचे थवे उभे राहतात. अचानक रस्त्याच्या मधोमध बसणे, वाहनांसमोर धाव घेणे यामुळे अनेक वेळा अपघाताची शक्यता निर्माण होते.