Pernem Agarwada Mandrem Junction Accident

मोरजी:आगरवाडा-मांद्रे जंक्शनजवळील श्री सातेरी मेडिकलजवळ दोन कारमध्ये अपघात होऊन दोन्ही गाड्यांचे टायर फुटले. धक्का इतका जबरदस्त होता की टायर फुटण्याच्या आवाजाने लोकांनी घटनास्थळी धाव घेतली. सुदैवाने यात कोणतीही जीवितहानी झाली नाही.

सविस्तर वृत्त असे की, जीए ०३ एन ७०३५ ही टॅक्सी मांद्रेहून म्हापशाच्या दिशेने जात होती. त्याचवेळी आगरवाड्याहून पेडणेच्या दिशेने जाणारी एमएच २० ईवाय ६७६६ या पर्यटक कारने रस्त्याच्या दुसऱ्या बाजूला असलेल्या कारवर जोरदार धडक दिली. धडक इतकी जबरदस्त होती की त्यात दोन्ही गाड्यांचे टायर फुटले.

पर्यटकांच्या गाडीतील फुगाही फुटला त्यामुळे गाडीत असलेल्या प्रवाशांना किरकोळ इजा झाली. दरम्यान, महाराष्ट्रातून आलेल्या पर्यटक कारमध्ये पाचजण होते. त्यांनी मोठ्या प्रमाणात मद्य प्राशन केले होते. चालकही दारूच्या नशेतच गाडी चालवीत होता. त्यामुळेच हा अपघात झाल्याचे दिसून आले.