राज्यात सध्या परतीच्या पावसानं धूमशान घातलं आहे. सातत्याने पडणाऱ्या पावसामुळे जनजीवन विस्कळीत झाले आहे. राजधानी पणजीसह सत्तरी, डिचोलीत पावसानं हाहाकार उडवला आहे. स्मार्ट सिटी पणजीतील रस्त्यांच्या झालेली दैना पुन्हा एकदा चव्हाट्यावर आली आहे. पणजी स्मार्ट सिटी कधी होणार असा प्रश्न सध्या विचारला जावू लागला आहे. परतीच्या पावसात नवीनच डांबरीकरण करण्यात आलेला रस्ता वाहून गेल्याने सरकार पुन्हा एकदा निशाण्यावर आले आहे. विरोधकांनी पुन्हा एकदा रस्त्यांच्या दुरावस्थेचा मुद्दा उपस्थित करत सरकारवर टीकेची झोड उठवली आहे.