गोव्यात सध्या दिवाळीची लगबग सुरु झाली आहे. गोव्यातली दिवाळी म्हटलं म्हणजे हमखास नरकासुर आलाच. राज्यातील विविध भागांमध्ये तरुणांचे गट एकत्र येऊन नरकासुर बनतात, ज्याचे दिवाळीच्या पहाटे दहन केले जाते.राज्यात अनेक भागांमध्ये सध्या नरकासुराचे मुखवटे बनवण्याचं काम सुरु आहे आणि पैकी मोरजीतील अनिकेत म्हादळेकर यांनी देखील स्वतःच्या कलेतून नरकासुराचे काही रंगीत मुखवटे साकारले आहेत. अनिकेत यांच्या मते माणसाच्या अंगात असलेली कला त्याला ताठ मानेने जगायला शिकवते. मिळलेल्या कलेचा आपण कसा फायदा करून घेऊ शकतो यावर नेहमीच विचार केला गेला पाहिजे असे मत त्यांनी व्यक्त केले.