वास्को: येथील मासळी मार्केटाचे उद्‍घाटन शनिवारी करण्यात आले असले तरी मासळी विक्रेते मंगळवारपासून या ठिकाणी मासे विक्री करणार आहेत. येथे भाजी, फळे, नारळ तसेच इतर विक्रेत्यांनाही सामावून घेण्यात येणार आहे.

मासळी मार्केट बांधण्यापूर्वी तेथील मासळी विक्रेत्यांना मे २०२२ मध्ये तेथून देव दामोदर ट्रस्टच्या जागेत उभारण्यात आलेल्या तात्पुरत्या शेडमध्ये हलविण्यात आले होते. तेथे भाजी, फळे, नारळ विक्रेतेही विक्री करीत आहेत. आता नवीन मासळी मार्केटाचे उद्‍घाटन १० रोजी करण्यात आले आहे. त्यामुळे तेथे रविवारपासून मासळी विक्री सुरु होईल असे वास्कोवासियांनी गृहीत धरले होते. काहीजण नवीन मार्केटाकडे गेले होते. मात्र तेथे सामसूम दिसून आली.