Panjim Smart City Dangerous Trees

जुलै महिन्यात धोकादायक झाड पडून एका तरुणीचा मृत्यू पणजीत झाला होता. त्यावरून बराच गोंधळ निर्माण झालं होता. झाडांभोवती बसवलेले सिमेंट पेव्हर्स, दोन झाडांमधले अंतर असे मुद्दे चर्चेत आले होते. अखेरीस पालिकेने धोकादायक झाडासंदर्भात मोहीम हाती घेतली होती. आता सांतीनेज परिसरात काही ठिकाणी नारळाच्या झाडांच्या बाजूने सिमेंट पेव्हर्स घातले आहेत. अशा स्थितीतले एक झाड नुकतेच रस्त्यावर कोसळले. यादरम्यान एक व्यक्तीला दुखापत आणि एका गाडीचे नुकसान झाल्याची माहिती समोर आली आहे. अशी अनेक झाडे स्मार्ट सिटीच्या कामामुळे धोकादायक बनली आहेत आणि झाडाचेही नुकसान होत आहे. स्मार्ट सिटीचे काम चालूदे पण पुन्हा पुन्हा त्याच चुका करणे टाळणे आवश्यक आहे असे बोलले जात आहे.