डिचोली तालुक्यातील नानोडा येथे थार एसयूव्ही आणि बसमध्ये झालेल्या भीषण अपघातात १४ प्रवासी जखमी झाले आहेत. मिळालेल्या माहितीनुसार, नानोडा येथील रस्त्यावर एका भरधाव थार जीपने बसला जोरदार धडक दिली. या धडकेमुळे बसमधील १४ प्रवाशांना दुखापत झाली असून त्यांना तातडीने उपचारासाठी जवळच्या रुग्णालयात दाखल करण्यात आले. अपघातात दोन्ही वाहनांचे मोठ्या प्रमाणात नुकसान झाले असून थारचा पुढील भाग पूर्णपणे चक्काचूर झाला. घटनेची माहिती मिळताच पोलिसांनी घटनास्थळी धाव घेत तपास सुरू केला. गोव्यातील महामार्गावरील वाढत्या अपघातांच्या पार्श्वभूमीवर या घटनेने परिसरात चिंता व्यक्त केली जात आहे.