एमआरएफ टायर्स कंपनीच्या नोकर भरती प्रकरणात आता एक मोठा ट्विस्ट आला आहे. यापूर्वी, कंपनीने त्यांच्या विरोधात सुरु असलेल्या नोकरभरतीची बातमी पूर्णपणे खोटी आणि निराधार असल्याचे सांगून वाद मिटवण्याचा प्रयत्न केला होता. मात्र, आता महाराष्ट्र नवनिर्माण सेनेचे (MNS) सिंधुदुर्ग जिल्हाध्यक्ष धीरज परब यांनी एमआरएफ कंपनीचा हा दावा खोडून काढला आहे. त्यांनी ई-मेलचा पुरावा सादर करत कुडाळ येथे नोकरभरतीची योजना खरी होती, असा दावा केला.