मडगाव: मडगाव रवींद्र भवनाच्या नूतनीकरण कामाचा आढावा घेण्यासाठी आज माजी मुख्यमंत्री दिगंबर कामत यांनी बैठक घेतली. हे काम अत्यंत समाधानकारक गतीने सुरू असून, ते आता अंतिम टप्प्यात आले आहे, अशी माहिती त्यांनी दिली. रवींद्र भवनाचे अध्यक्ष राजेंद्र तळगावकर यांनी सांगितले की, दुरुस्तीचे काम सुरळीत चालू आहे. हे सर्व काम सार्वजनिक बांधकाम विभागाद्वारे (PWD) केले जात आहे आणि केवळ आढावा घेण्यात आला. त्यांच्या अंदाजानुसार, रवींद्र भवनाचे नूतनीकरणाचे काम जास्तीत जास्त ३० ऑक्टोबरपर्यंत पूर्ण होण्याची शक्यता आहे.