राज्यातील वाढते अपघात थांबायचं नाव घेत नाहीयेत. सातत्याने अपघाताच्या घटना समोर येत आहेत. यातच आता मडगावातून अशीच एक अपघाताची घटना समोर आली आहे. रेल्वे अपघातात 20 वर्षीय तरुणाचा मृत्यू झाला. अपघाताची माहिती मिळताच स्थानिक रेल्वे पोलिसांनी घटनास्थळी धाव घेतली. पोलिसांनी या तरुणाचा मृतदेह पोस्टमार्टमसाठी पाठवून दिला असून पुढील तपास सुरु असल्याचे सांगितले. तसेच, पीडित तरुणाची ओळख पटली असून तो माडेल येथील असल्याचे पोलिसांनी सांगितले.