नवीन मांडवी पुलाचे दुरुस्ती काम अद्याप अपूर्ण असून, हा पूल अजूनही सर्वसामान्य वाहतुकीसाठी बंदच आहे. प्रशासनाने हा पूल दुरुस्तीच्या कामासाठी 27 मार्चपासून बंद केला होता आणि 5 एप्रिलपासून तो पुन्हा सुरु होईल, असे जाहीर करण्यात आले होते. मात्र, काम वेळेत पूर्ण न झाल्याने पूल खुला करण्यात आलेला नाही. नवीन मांडवी पुल बंद असल्यामुळे पणजी आणि पर्वरी परिसरातील नागरिकांना मोठ्या प्रमाणावर वाहतूक कोंडीला सामोरे जावे लागत आहे.