फोंडा: कुंडई औद्योगिक वसाहतीतील एका कारखान्यात छत दुरुस्तीचे काम सुरू असताना दुर्दैवी अपघात घडला. मूळचा झारखंडचा; पण सध्या कुंडईत राहणारा थेबू मुंडा (३६) नामक कामगार उंचावरून खाली पडल्याने त्याचा मृत्यू झाला. जखमी अवस्थेत त्याला तातडीने गोवा वैद्यकीय महाविद्यालयात दाखल करण्यात आले होते, मात्र डॉक्टरांनी त्याला मृत घोषित केले. या घटनेनंतर म्हार्दोळ पोलिसांनी घटनास्थळाचा पंचनामा केला असून, कायदेशीर प्रक्रिया पूर्ण झाल्यावर मृतदेह त्याच्या कुटुंबीयांच्या ताब्यात देण्यात आला आहे.