कोने प्रियोळ येथे हिरव्यागार डोंगराची कापणी करण्यात येत असल्याच्या घटनेने वादंग निर्माण झाला. या डोंगराच्या खालच्या बाजुला घरे, कुळागरे अस्तित्वात आहेत. संदीप पारकर यांनी हा फोटो समाज माध्यमांवर प्रसिद्ध केला होता. त्यानंतर एकच हल्लकल्लोळ उडाला. विशेष म्हणजे, या घटनेची आज (5 ऑगस्ट) गोवा विधानसभेच्या अधिवेशनादरम्यान दखल घेण्यात आली. कोने प्रियोळातील सर्व्हे क्रमांक 255/2 या Natural Cover Overlapping, No Devlopment Slop डोंगर कापणी प्रकरणात जमीन मालक अजय नाईक याच्यावर गुन्हा नोंदवण्यात आला. टीसीपी अधिकाऱ्यांनी प्रत्यक्ष पाहणी केल्यानंतर ही कारवाई करण्यात आली.

कोने प्रियोळ येथे सुरु असलेल्या डोंगर कापणीच्या वृत्ताची दखल घेत टीसीपी अधिकाऱ्यांकडून आज (5 ऑगस्ट) सकाळी पहाणी करण्यात आली. यावेळी खात्याकडून कसलीच परवानगी दिली नसल्याचे सांगण्यात आले. सर्व प्रकार बेकायदेशीर असल्याचेही पर्यटनमंत्री विश्वजित राणे यांनी विधानसभेत सांगितले.