पर्वरी: गेल्या काही दिवसांपासून गोव्यातील पर्वरी भागात श्री देव खाप्रेश्वर मंदिराचा वाद सुरु आहे. मंदिरच्या स्थानांतरामुळे स्थानिक नाराज आहेत, मात्र खापरेश्वर मंदिरासाठी नवीन जागा शोधून तिथे मंदिर पुन्हा उभारलं जाईल मुख्यमंत्री तसेच पर्यटनमंत्र्यांनी अशा दिलेल्या आश्वासनप्रमाणे पर्वरीतील सुकूर येथील अल्कोन शोरूमच्या जवळ जागा निश्चित करण्यात आलीये.

दरम्यान पर्वरीतील खापरेश्वर देवस्थानच्या भक्तांनी स्पष्ट केले आहे की त्यांनी कधीही मंदिर समितीचे प्रतिनिधित्व केलेले नाही, उलट तशा अफवांचे खंडनच केले आहे. मंदिराच्या पुनर्बांधणीबाबत त्यांच्या नावाने प्रसिद्ध केलेली कोणतीही विधाने किंवा निर्णय त्यांची अधिकृत भूमिका दर्शवत नाहीत, असे त्यांनी ठामपणे सांगितले आहे.

"आम्ही कधीच मंदिराच्या समितीच्या वतीने वक्तव्य केलेलं नाही, आम्ही कायम खापरेश्वराचे भक्त म्हणूनच भूमिका घेतली" असल्याचं त्यांनी स्पष्ट केलंय. मंदिराच्या मूळ जागेवर जीर्णोद्धाराबाबत सुरू असलेल्या चर्चेदरम्यान हे स्पष्टीकरण देण्यात आले आहे.