कोल्हापुरातील (महाराष्ट्र) ऐतिहासिक संगीत सूर्य केशवराव भोसले नाट्यगृहाला काल (8 ऑगस्ट) रात्री भीषण आग. या भीषण आगीत संपूर्ण नाट्यगृह जळून खाक झाले आहे. अग्निशमन दलाकडून शर्तीच्या प्रयत्नानंतर रात्री उशिरा आग विझवण्यात यश आले. आगीचे कारण अद्यापही अस्पष्ट आहे. या दुर्घटनेत नाट्यगृहाचे सुमारे 50 कोटींचे नुकसान झाले आहे. आज (9 ऑगस्ट) होणाऱ्या संगीतसूर्य केशवराव भोसले यांच्या 134 व्या जयंती दिनाच्या पूर्वसंध्येलाच ही घटना घडली आहे.