पणजी: कदंब महामंडळाजवळ जुलै महिन्यापर्यंत आणखीन ४७ इलेकट्रीक बसेस येणार आहेत. भागांमध्ये अजूनही कदंब बसेसची टंचाई असल्याने आणखीन बसेस रुजू करत असल्याची माहिती कदंब महामंडळाचे संचालक उल्हास तुयेकर यांनी दिली.वाहतुकीचा ताण कमी करण्यासाठी हा निर्णय घेण्यात आला आहे.वर्ष २०२७ पर्यंत गोव्यातील प्रत्येक भागात कदंबच्या बसेस धावतील अशी माहिती उल्हास तुयेकर यांनी दिलीय.

कदंब महामंडळामध्ये ६५८ ड्रायव्हरसाठी जागा मंजूर संख्याबळ करण्यात आली आहे त्यामधले ६३९ लोकांना २०२४-२५ मध्ये प्रमोट करण्यात आला आहे. डेली वेजेसवरील २२३ ड्रायव्हर कर्मचाऱ्यांना नियमित करण्यात आले आहे.त्याचबरोबर ५७९ कंडक्टरसाठी जागा मंजूर संख्याबळ करण्यात आली आहे त्यामध्ये सध्याची स्थितीत ४१३ लोकांना पोझिशन मिळालेली आहे तर वर्ष २०२४ मध्ये ५२ कंडक्टर कर्मचाऱ्यांना नियमित करण्यात आले आणि ३५ लोकांना प्रमोशन दिलेला आहे.ज्या लोकांना कदंबा महामंडळामध्ये पाच वर्षे पूर्ण झालेली आहेत त्यांना सरकारने परमनंट स्टेटस देण्याचं ठरवलेलं आहे.

मागच्या तीन वर्षापासून ज्या लोकांना प्रमोशन देण्याचे राहून गेलं होतं ते लोकांना देण्याचा प्रयत्न आहे. कदंब मंडळामध्ये कंडाक्टरांची कमतरता आहे आणि त्यासाठी आठवड्याभरात डेली वेजेसवर ७० नवीन कंडक्टर्सची भरती करण्यात येणार आहे. सरकारच्या संख्याबळाप्रमाणे परिवहन मंडळाला कर्मचाऱ्यांचं प्रमोशन करायला मिळतं अशी माहिती उल्हास तूयेकर यांनी दिली.