बेळगावहून मडगाव येथे गोमांसाची बेकायदेशीर वाहतूक करणाऱ्या एका वाहनाला गोवा-कर्नाटक सीमेवरील केरी तपासणी नाक्यावर स्थानिक ग्रामस्थांनी पकडले. धक्कादायक बाब म्हणजे, हेच वाहन अवघ्या आठ दिवसांपूर्वी मोले चेकपोस्टवर पोलिसांनी पकडले होते. वारंवार त्याच वाहनाचा वापर होत असल्याचे समोर आल्याने गोमांस तस्करीच्या रॅकेटवर गंभीर प्रश्नचिन्ह उभे राहिले आहे. ग्रामस्थांनी तातडीने या घटनेची माहिती स्थानिक पोलिसांना दिली. पोलिसांनी तत्काळ घटनास्थळी धाव घेत वाहन आणि चालक तसेच वाहनातील मालासह ताब्यात घेतले.