बेळगाव-गोवा सीमेवरील केरी तपासणी नाक्यावर गोव्यात बेकायदेशीररित्या गोमांस घेऊन येणाऱ्या एका वाहनावर गोवा पोलिसांनी मोठी कारवाई केली. एका इनोव्हा (Innova) कारमधून सुमारे 400 किलो गोमांस जप्त करण्यात आले असून, याप्रकरणी एका तरुणाला ताब्यात घेण्यात आले.

मिळालेल्या माहितीनुसार, केए २५ बी ६७१९ (KA25 B6719) क्रमांकाची इनोव्हा कार कर्नाटकमधील बेळगाव (Belgaum) येथून गोव्यात प्रवेश करण्याच्या प्रयत्नात असताना, केरी तपासणी नाक्यावर पोलिसांनी तिला थांबवले. वाहनाची तपासणी केली असता, त्यात मोठ्या प्रमाणात गोमांस आढळून आले. हे गोमांस कोणत्याही आवश्यक परवानग्या किंवा कागदपत्रे नसताना बेकायदेशीररित्या वाहतूक केले जात होते.

तर दुसरीकडे, कुळे पोलिसांना हुबळी येथून मडगाव येथील बाजारपेठेत बेकायदेशीररित्या मोठ्या प्रमाणात गोमांस आणले जात असल्याची गुप्त माहिती मिळाली होती. या माहितीच्या आधारावर कुळे पोलिसांनी मोले भागात नाकाबंदी करत सापळा रचून तब्बल 800 किलो गोमांस जप्त केले.