Illegal shops in Rumdamol
सासष्टी: रुमडामळ पंचायत क्षेत्रात अनेक बेकायदा व्यवहार चालू आहेत. काहींनी रस्त्यालगत बेकायदा दुकाने थाटली आहेत. काहींनी नाल्यांवर गाडे थाटले आहेत. यामुळे वाहतुकीला अडथळा होत आहे.
वाहतूक विभागाने याची दखल घेत पंचायतीला हे गाडे व दुकाने हटविण्यास सांगितले आहे. त्यानुसार पंचायतीने या व्यावसायिकांना नोटिसा जारी केल्या आहेत.
पंच समिउल्ला फणिबंद यांनी सांगितले की, आम्ही व्यापारी व गाडेवाले मिळून ३० जणांना नोटिसा जारी केल्या आहेत. आठ दिवसांच्या आत त्यांनी हे गाडे हटवावे किंवा जो रस्ता व्यापला आहे तो खाली करावा. या आदेशाचे पालन केले नाही तर ही बांधकामे पंचायतीतर्फे पाडली जातील.
पंच विनायक वळवईकर यांनी सांगितले की, केवळ मोजक्याच व्यापारी व गाडेवाल्यांना नोटिसा का? या पंचायत क्षेत्रात अनेक बेकायादा धंदे, व्यावसाय बेकायदा चालू आहेत.काही ठरावीक लोकांवरच कारवाई न करता बेकायदा व्यावहार करणाऱ्या सर्वांनाच पंचायतीने नोटीस पाठवावी. तसेच रस्त्यांवरील गाडे व दुकाने हटविण्यापूर्वी त्यांना पंचायतीने दुसरीकडे जागा द्यावी, असे ते म्हणाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.