राज्यात मुसळधार पावसानं धूमशान घातलं आहे. सातत्याने पडत असणाऱ्या पावसामुळे जनजीवन विस्कळीत झाले आहे. अनेक ठिकाणाहून पडझडीच्या घटना समोर आल्या आहेत. तर रस्त्यांना नद्यांचे स्वरुप प्राप्त झाले आहे. लोकांच्या घरांमध्ये पाणी शिरले आहे. तर नद्या दुथडी भरुन वाहतायेत. सतत पडणाऱ्या पावसामुळे अनेक ठिकाणी रस्ते खचले. हद्द म्हणजे राजधानी पणजी, म्हापसा, फोंडा, पेडणे या शहरांना पावसानं झोडपून काढले आहे. गोव्यात आज 18 (जुलै) आणि उद्या (19 जुलै) हवामान खात्याकडून रेड अलर्ट वर्तवण्यात आला आहे.