गोव्यातील प्रसिद्ध दुधसागर धबधब्याकडे (Dudhsagar Waterfall) पर्यटक घेऊन जाण्यासाठी पर्यटन व्यावसायिकांनी अखेर आजपासून आपला हंगाम सुरु केला. दूधसागर टूर असोसिएशनने (Dudhsagar Tour Association) ऑफलाईन पद्धतीने बुकिंग स्वीकारुन आज पर्यटकांना धबधब्याकडे घेऊन जाण्यास सुरुवात केली. या पर्यटन व्यावसायिकांनी निर्णय घेतला की, जोपर्यंत गोवा सरकार यासंदर्भात अधिकृत निर्णय घेत नाही किंवा ऑनलाईन बुकिंगची व्यवस्था करत नाही, तोपर्यंत धबधबा पर्यटन ऑफलाईन पद्धतीनेच सुरु ठेवण्यात येईल.