पणजी: गोव्यातील हवामानात मोठा बदल होणार असून भारतीय हवामान विभागाने (IMD) 23 एप्रिल 2026 रोजी राज्यासाठी 'येलो अलर्ट' जारी केला. हवामान खात्याच्या अंदाजानुसार, 20 एप्रिलपासूनच गोव्यातील काही विलग ठिकाणांवर हलक्या पावसाला सुरुवात होईल. हा पावसाचा जोर 21, 22 आणि 23 एप्रिलपर्यंत कायम राहण्याची शक्यता आहे. वाढत्या उष्म्यापासून नागरिकांना काहीसा दिलासा मिळण्याची शक्यता असली, तरी 23 तारखेला पावसाचा प्रभाव अधिक जाणवेल. पर्यटकांनी आणि स्थानिक नागरिकांनी हवामानाचा अंदाज घेऊनच बाहेर पडण्याचे आवाहन प्रशासनाकडून करण्यात आले आहे.