राज्यात पावसानं थैमान घातलं आहे. सातत्याने पडणाऱ्या पावसामुळे राज्यातील जनजीवन पुरते विस्कळीत झाले आहे. गेल्या 12 तासात राजधानी पणजीसह सत्तरी, साखळी, धारबांदोडामध्ये पावसानं हाहाकार माजवला आहे. नद्या दुथडी भरुन वाहू लागल्या आहेत.

दरम्यान, सत्तरी, पेडणे, डिचोली, धारबांदोडा या तालुक्यांमध्ये पावसाचा जोर वाढल्याने पुन्हा स्थिती खराब झाली आहे. मुलांना शाळेत जाणंही मुश्किल झालं आहे. याचदरम्यान मुलांनी व पालकांनी परिक्षेची चिंता करु नये. विद्यार्थ्यांच्या सुरक्षेला आमचे प्रथम प्राधान्य आहे. पुरामुळे शाळेत न पोहोचलेल्या विद्यार्थ्यांचे परिक्षा चुकली म्हणून नुकसान होणार नाही, असे शिक्षण संचालक शैलेश झिंगडे यांच्याकडून सांगण्यात आले.