गोवा फॉरवर्ड पक्षाचे अध्यक्ष आणि आमदार विजय सरदेसाई यांची काणकोण येथील सभा रोखल्याबद्दल भाजप सरकारवर 'लोकशाहीविरोधी' कृत्यांचे आणि राजकीय हस्तक्षेपाचे आरोप करण्यात आले. या आरोपांवर आता काणकोणचे आमदार आणि मंत्री रमेश तवडकर यांनी स्पष्टीकरण दिले. तवडकर यांनी स्पष्ट केले की, या प्रकरणात कोणत्याही प्रकारचा राजकीय हस्तक्षेप करण्यात आलेला नाही आणि भविष्यातही होणार नाही. पोलिसांनी केवळ नियमांचे पालन केले.