राज्यात गेल्या दोन-तीन दिवसांपासून वेगाने राजकीय घडामोडी बदलत आहे. मुख्यमंत्री डॉ. प्रमोद सावंत आणि राज्याचे आरोग्यमंत्री विश्वजीत राणे यांना दिल्ली हायकमांडकडून बोलावण्यात आल्याने राजकीय चर्चांना उधाण आलं आहे. राज्यात सध्या सर्व काही अलबेल नाही असं एकंदरीत दिसून येत आहे. मुख्यमंत्री आणि आरोग्यमंत्री यांच्यातील धूसफूस पुन्हा एकदा राजकीय चव्हाट्यावर आल्याने राज्याच्या राजकारणातील राजकीय रंग बदलू लागले आहेत. याच सगळ्या पाश्वभूमीवर सावंत सरकारमधील मंत्री सुभाष शिरोडकर यांनी प्रतिक्रिया दिली आहे. सरकारमध्ये सर्व काही ठिक असल्याचे मंत्री शिरोडकर म्हणाले.