2027 च्या निवडणुकीत मांद्रे मतदारसंघात भाजपच निवडून येऊन मांद्रेत कमळच फुलणार आहे. यासाठीचे प्रचारकार्य मांद्रेतून सुरु केले असल्याचे मुख्यमंत्री डॉ. प्रमोद सावंत यांनी सांगितले. यानंतर मांद्रे मतदारसंघात राजकीय चर्चांना उधाण आले. मांद्रेचे सध्याचे आमदार जीत अरोलकर आहेत. गेल्या काही दिवसांपासून अरोलकर भाजपवासी होणार असल्याची चर्चा मांद्रे मतदारसंघात सुरु आहे. यावर आता, अरोलकरांच्या कार्यकर्त्यांनी देखील आपली भूमिका स्पष्ट केली आहे. अरोलकर भाजपमध्ये गेल्यास आपण देखील भाजपमध्ये जाणार असे कार्यकर्त्यांनी म्हटले. त्यामुळे आता अरोलकर भाजपवासी होणार की स्वपक्षातच राहणार या चर्चांना उधाण आले आहे.