पणजी: राज्यात मागील दोन दिवसांपासून पावसाचा जोर वाढला असून आज दक्षिण गोव्यात 'रेड अलर्ट' तर उत्तर गोव्यात ऑरेंज अलर्ट जारी करण्यात आला होता. दक्षिण गोव्यात पावसाची तीव्रता काल अधिक होती.

राज्यात रविवारी सकाळी ११.३० वाजेपर्यंत कर्नाटक-कोकण कोकणपट्टीसह गोव्यात जोरदार पाऊस पडून पूरजन्य स्थिती निर्माण होण्याची शक्यता वर्तविण्यात आली असल्याने नागरिकांनी काळजी घ्यावी, असे आवाहन करण्यात आले आहे.

मच्छीमारांनी खोल समुद्रात जाऊ नये, यासाठी सतर्कतेचा इशाराही देण्यात आला आहे. पुढील दोन दिवस राज्यात पावसाचा प्रभाव अधिक असणार आहे. त्यानंतर काही प्रमाणात पावसाची तीव्रता मंदावण्याची शक्यता वर्तविण्यात आली आहे