सत्तरी तालुक्यातील चरावणे परिसरात बिबट्याच्या हल्ल्यात एका 59 वर्षीय व्यक्तीचा दुर्दैवी मृत्यू झाल्याची धक्कादायक घटना घडली आहे. या घटनेमुळे संपूर्ण परिसरात भीतीचे सावट पसरले आहे. मिळालेल्या माहितीनुसार, संबंधित व्यक्ती आपल्या घराच्या परिसरात किंवा शेताच्या कामात असताना दबा धरुन बसलेल्या बिबट्याने त्यांच्यावर अचानक झडप घातली. हा हल्ला इतका भीषण होता की, त्यामध्ये या वृद्धाचा जागीच प्राण गेला. घटनेची माहिती मिळताच वनविभागाचे पथक आणि स्थानिक पोलीस घटनास्थळी दाखल झाले आहेत.

वाढत्या बिबट्याच्या वावरामुळे चरावणेतील ग्रामस्थांमध्ये संतापाची लाट असून नरभक्षक बिबट्याला तात्काळ जेरबंद करण्यासाठी पिंजरा लावण्याची मागणी होत आहे. वनविभागाने रात्रीच्या वेळी नागरिकांना सतर्क राहण्याचे आवाहन केले आहे.