गोव्यात सध्या पावसाचा जोर ओसरला आहे. मात्र गेल्या महिन्याभरापासून पावसानं राज्यात अक्षरशा: धूमाकूळ घातला. राजधानी पणजीसह सत्तरी, धारबांदोडा, काणकोण, म्हापसामध्ये सर्वाधिक पाऊस पडला. येथील नद्यांनी धोक्याची पातळीही ओलांडली. तर दुसरीकडे, शेतकऱ्यांना या अतिवृष्टीचा मोठा फटका बसला. शेतकऱ्यांची उभी पिके पावसाच्या पाण्यात वाहून गेली. बागायत शेतकऱ्यांनी आता अतिवृष्टीमुळे झालेल्या नुकसानाची भरपाई देण्यासाठी सरकारकडे तगादा लावला आहे. मात्र सरकार नुकसान भरपाई देण्यास टाळाटाळ करत आहे. राज्यात यावर्षी सर्वाधिक पाऊस झाला.