गोवा सरकारची मंत्रिमंडळ फेररचना लवकरच होण्याची शक्यता असून, मुख्यमंत्री प्रमोद सावंत यांनी याबाबत सूचक वक्तव्य केले आहे. मुरगावचे आमदार संकल्प आमोणकर यांच्या वाढदिवसानिमित्त आयोजित कार्यक्रमात मुख्यमंत्री सावंत बोलत होते. आमोणकर यांना लवकरच मोठी जबाबदारी देणार असल्याचे वक्तव्य सावंत यांनी केले. राज्यात गेल्या काही दिवासांपासून राजकीय वातावरण शांत असले तरी गोविंद गावडे यांच्या गच्छंतीची शक्यता व्यक्त केली जात आहे. त्याजागी कोणाची वर्णी लागणार याकडे सर्वांचे लक्ष लागले आहे.