बार्देश: गिरी येथे तब्बल ११.६७ कोटी रुपये किंमतीचा उच्च दर्जाचा गांजा जप्त करण्यात आला आहे. गोव्याच्या इतिहासातील आजवरची ही सर्वात मोठी कारवाई आहे. गुन्हे शाखेच्या पोलिसांनी ही कारवाई केली असून, एका तरुणाला अटक करण्यात आली आहे. समोर आलेल्या माहितीनुसार, गिरी - बार्देश येथे ११.६७२ किलो वजनाचा उच्च दर्जाचा गांजा जप्त करण्यात आला आहे. जप्त करण्यात आलेल्या गांजाची बाजारातील किंमत ११.६७ कोटी रुपये एवढी असल्याचे सांगितले जात आहे. याप्रकरणी गुन्हे शाखेच्या पोलिसांनी एका तरुणाला अटक केली आहे. गोव्याच्या इतिहासातील अमली पदार्थ विरोधातील ही आजवरची सर्वात मोठी कारवाई असल्याचे सांगितले जाते.