डिचोली: दूध उत्पादन व्यवसायाला प्रोत्साहन देण्यासाठी सरकारने गंभीरपणे लक्ष घालावे. गेल्या जवळपास सहा महिन्यांपासून प्रलंबित असलेली दुधावरील आधारभूत किंमत चालू महिन्याच्या अखेरपर्यंत द्यावी. त्याचबरोबर दूध उत्पादकांना प्रोत्साहन देण्यासाठी सरकारने आधारभूत दर वाढविण्यावर गंभीरपणे विचार करावा, अशी मागणी अखिल गोवा दूध उत्पादक शेतकरी संघटनेने केली आहे.
खोलपे-साळ येथे घेतलेल्या पत्रकार परिषदेत संघटनेचे अध्यक्ष रघुनाथ परब यांनी ही मागणी केली आहे. यावेळी आमठाणे दूध उत्पादक सोसायटीचे वैभव परब, पिर्ण सोसायटीचे गोविंद नाईक आदी वेगवेगळ्या संस्थांचे प्रतिनिधी हजर होते.
मुख्यमंत्री डॉ. प्रमोद सावंत यांच्या नेतृत्वाखालील सरकार मागण्यांचा निश्चितच विचार करतील, असा विश्वासही त्यांनी व्यक्त केला. वैभव परब आदी दूध उत्पादक शेतकऱ्यांनीही आपले विचार मांडले.
दूध उत्पादक शेतकऱ्यांना सध्या अनेक अडचणींना तोंड द्यावे लागत आहे. सध्या दुग्ध व्यवसाय करणे परवडत नाही. तेव्हा सरकारने आधारभूत किमत ४० टक्क्यांवरून वाढवून द्यावी. गायी खरेदी करण्यासाठी सवलत द्यावी. दूध उत्पादकांसाठी असलेल्या योजना सुलभ कराव्यात. आपत्कालीनप्रसंगी पशु वैद्यकीय सेवा उपलब्ध करावी, अशी मागणीही रघुनाथ परब यांनी केली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.