गेल्या काही दिवसांपासून राज्यात अज्ञात व्यक्तींचे मत्यू सातत्याने आढळत आहेत. यातच आता, बायणा येथून एक धक्कादायक बातमी समोर आली. बायणातील उड्डाणापूलाखाली एका अज्ञात व्यक्तीचा मृतदेह आढळून आल्याने एकच खळबळ उडाली. स्थानिकांनी तात्काळ बायणा पोलिसांना या धक्कादायक घटनेची माहिती दिली. पोलिसांनी तडक घटनास्थळी पोहोचून मृतदेह ताब्यात घेतला. तसेच, मृतदेहाचा पंचनामा करुन पोस्टमार्टमसाठी रुग्णालयात पाठवून दिला. पोलिसांनमी अद्याप या घटनेविषयी भाष्य करणे टाळले असून स्थानिकांनी हा घातपात असू शकतो. अशी शक्यता वर्तवली आहे. त्यामुळे आता पोस्टमार्ट रिपोर्टमधूनच या घटनेविषयी अधिक खुलासा होऊ शकतो.