मडगाव: अल्पवयीन मुलींना प्रेमाच्या जाळ्यात ओढून नंतर ब्लॅकमेल करत त्यांच्यावर लैंगिक अत्याचार केल्याच्या आरोपाखाली अटक केलेल्या कुडचडेतील सोहम नाईक याला तिसऱ्या प्रकरणातही न्यायालयाने जामीन मंजूर केला.

कुडचडे भागातील एका अल्पवयीन मुलीचा विनयभंग करून नंतर तिचे व्हिडिओ व्हायरल केल्याचा आरोप असलेल्या सोहम नाईक याच्या विरोधात कुडचडे पोलिसांनी बाल अत्याचार प्रतिबंधक कायद्याखाली दाखल केलेला गुन्हा या प्रकरणी न्यायालयात आरोपपत्र दाखल करतेवेळी क्राईम ब्रँच पोलिसांनी वगळल्याने केपे प्रथमवर्ग न्यायालयाने हा जामीन मंजूर केला.