केरळमध्ये पावसानं धूमशान घातलं. सातत्याने पडणाऱ्या पावसामुळे पुरते जनजीवन विस्कळीत झाले. वायनाड येथील भूस्खलनाच्या घटनेने अवघा देश हादरला. आताही वायनाडमध्ये संततधार सुरुच आहे. या सगळ्या पार्श्वभूमीवर आता वायनाड दुर्घटनेतील लोकांसाठी देशभरातून मदत पोहोचत आहे. यातच, गोवा विधानसभेचे सभापती रमेश तवडकरही वायनाड दुर्घटनेतील पीडितांच्या मदतीसाठी पुढे सरसावले आहेत. केरळमधील वायनाड येथील भूस्खलन झालेल्या ठिकाणी बलराम चॅरीटेबल फाऊंडेशनच्यावतीने 200 कार्यकर्त्यांना घेऊन 'श्रमधाम' योजनेअंतर्गत घरे उभारणार‌ असल्याची माहिती सभापती रमेश तवडकरांनी सभागृहात दिली. एवढ्यावरच न थांबता सभापती तवडकरांनी या मोहीमेत सहभागी होण्यासाठी गोव्याच्या जनतेला आवाहन केले आहे.