कारला झालेल्या भीषण अपघातात कारमधील सहा युवक सुदैवाने बचावले. हा अपघात बुधवारी सायंकाळी आमठाणे-मेणकूरेदरम्यान घडला. अपघात इतका भीषण होता की कारचा अक्षरशः चक्काचूर झाला. अपघातातून सुखरूप बचावलेले युवक बार्देश भागातील असल्याची माहिती मिळाली आहे.बार्देशमधील सहा युवकांचा एक गट सहलीसाठी आमठाणे येथील फार्मवर गेला होता. तेथे मौजमजा करून सायंकाळी युवकांचा गट कारमधून आमठाणे-मेणकूरेमार्गे म्हापशाच्या दिशेने निघाला होता.