यंदा गोव्यातला गणेशोत्सव उत्सव खास असणार आहे. चतुर्थीनिमित्त बाजारपेठा सजू लागल्या असून, सर्वत्र उत्साह संचारला आहे. सजावटीच्या साहित्यासह चतुर्थीसाठी लागणाऱ्या वस्तू डिचोलीच्या बाजारात दाखल झाल्या असून, बाजार हळूहळू फुलू लागला आहे. बाजार संकुल परिसरात खास स्टॉलही थाटण्यात आले आहेत. या स्टॉलमधून विविध साहित्य विक्रीस उपलब्ध झाले आहे. सजावटीच्या साहित्याची खरेदीही सध्या सुरु झाली असली, तरी अद्याप जोर आलेला नाही. पुढील दोन दिवसांनंतर खरेदीला जोर येण्याची आशा विक्रेत्यांना आहे.